বেছিভাগ মূৰৰ বিষ নিজে নিজে ভাল হৈ যায় আৰু কোনো গুৰুতৰ কথাৰ চিন নহয়। বাৰে বাৰে হোৱা মূৰৰ বিষৰ আটাইতকৈ সাধাৰণ দুবিধ হ'ল:
- টেনচন হেডেক (চাপজনিত মূৰৰ বিষ): অতি সাধাৰণ, দুয়োফালে হেঁচি ধৰা যেন বিষ, য'ত সাধাৰণতে কাম চলাই যাব পাৰি।
- মাইগ্ৰেন: দপদপকৈ, প্ৰায়ে এফালে হোৱা বিষৰ আক্ৰমণ, লগত বমি বমি লগা আৰু পোহৰ আৰু শব্দ সহ্য নোহোৱা, যাৰ বাবে প্ৰায়ে হাতৰ কাম এৰি দিব লগা হয়।
বহুতো মানুহৰ দুয়োবিধ হয়। মূৰৰ বিষৰ আন কাৰণবোৰৰ ভিতৰত আছে চৰ্দি আৰু ফ্লু, পানী কম খোৱা, আহাৰ বাদ দিয়া, চকুৰ দৃষ্টিৰ সমস্যা, মদ, হৰম'নৰ সলনি আৰু বিষৰ ঔষধ বাৰে বাৰে খোৱা।
মাইগ্ৰেন কেৱল এটা বেয়া মূৰৰ বিষ নহয়: ই মগজুৰ স্নায়ু আৰু তেজৰ শিৰাৰ এটা অৱস্থা, যি আক্ৰমণৰ ৰূপত আহে। ই পৰিয়ালত চলি থাকে আৰু মহিলাৰ মাজত বেছি দেখা যায়।
