প্ৰস্ৰাৱৰ নলীৰ সংক্ৰমণ (urinary tract infection, UTI) হৈছে প্ৰস্ৰাৱৰ পথৰ যিকোনো অংশৰ সংক্ৰমণ: মূত্ৰাশয় (ব্লাডাৰ), শৰীৰৰ পৰা প্ৰস্ৰাৱ বাহিৰলৈ কঢ়িয়াই নিয়া নলী (মূত্ৰনলী, urethra), বা কিডনী। সাধাৰণতে মলৰ (পায়খানাৰ) বেক্টেৰিয়া প্ৰস্ৰাৱৰ পথত সোমালে ই হয়।
শৰীৰত হোৱা সংক্ৰমণবোৰৰ ভিতৰত UTI দ্বিতীয় সৰ্বাধিক সাধাৰণ। পুৰুষতকৈ মহিলাৰ প্ৰায় চাৰিগুণ বেছি হয়, কাৰণ মহিলাৰ মূত্ৰনলী চুটি আৰু মলদ্বাৰৰ ওচৰত থাকে।
- মূত্ৰাশয়ৰ সংক্ৰমণ (cystitis, চিষ্টাইটিছ) আটাইতকৈ সাধাৰণ প্ৰকাৰ।
- কিডনীৰ সংক্ৰমণ (pyelonephritis, পাইলোনেফ্ৰাইটিছ) কম হয় কিন্তু বেছি গুৰুতৰ, আৰু ইয়াৰ সোনকালে চিকিৎসা লাগে।
বেছিভাগ UTI-ৰ চিকিৎসা সহজ, আৰু বহুতো সোনকালে ভাল হৈ যায়।


