മിക്ക തലവേദനകളും തനിയെ മാറും, അവ ഗുരുതരമായ ഒന്നിന്റെയും സൂചനയല്ല. വീണ്ടും വീണ്ടും വരുന്ന തലവേദനകളിൽ ഏറ്റവും സാധാരണമായ രണ്ട് തരങ്ങൾ:
- ടെൻഷൻ തലവേദന: വളരെ സാധാരണം, രണ്ട് വശത്തും അമർത്തുന്ന പോലെയുള്ള വേദന, സാധാരണയായി ജോലികൾ തുടരാൻ പറ്റും.
- മൈഗ്രേൻ: തുടിക്കുന്ന, പലപ്പോഴും ഒരു വശത്തുള്ള വേദനയുടെ അറ്റാക്കുകൾ, ഒപ്പം ഓക്കാനവും വെളിച്ചവും ശബ്ദവും സഹിക്കാൻ പറ്റായ്കയും; ചെയ്തുകൊണ്ടിരിക്കുന്നത് നിർത്തേണ്ടി വരുന്നത് പതിവാണ്.
പലർക്കും രണ്ടും വരാറുണ്ട്. ജലദോഷവും പനിയും (ഫ്ലൂ), ആവശ്യത്തിന് വെള്ളം കുടിക്കാതിരിക്കൽ, ഭക്ഷണം ഒഴിവാക്കൽ, കാഴ്ചപ്രശ്നങ്ങൾ, മദ്യം, ഹോർമോൺ മാറ്റങ്ങൾ, വേദനസംഹാരികൾ ഇടയ്ക്കിടെ കഴിക്കൽ എന്നിവയും തലവേദനയുടെ മറ്റ് കാരണങ്ങളാണ്.
മൈഗ്രേൻ വെറുമൊരു കടുത്ത തലവേദനയല്ല: തലച്ചോറിലെ ഞരമ്പുകളെയും രക്തക്കുഴലുകളെയും ബാധിക്കുന്ന, അറ്റാക്കുകളായി വരുന്ന ഒരു അവസ്ഥയാണ് അത്. ഇത് കുടുംബങ്ങളിൽ പാരമ്പര്യമായി കാണാറുണ്ട്, സ്ത്രീകളിലാണ് കൂടുതൽ.
