基孔肯雅熱(chikungunya)係一種病毒感染,經受感染嘅 伊蚊(Aedes) 叮咬傳播,即係傳播登革熱同寨卡(Zika)嘅同一種蚊。佢哋主要喺 日間 叮人。基孔肯雅熱唔會經接觸、咳嗽或者共用食物直接人傳人。
呢個名來自坦桑尼亞(Tanzania)嘅 Kimakonde 語,1952 年喺當地首次發現,意思係「變得扭曲」:關節痛可以令人痛到彎晒腰。印度(India)自 1970 年代起已經有大規模爆發紀錄,而家亞洲(Asia)、非洲(Africa)、歐洲(Europe)同美洲(the Americas)超過 110 個國家 都發現過。
大部分人會自己好返。嚴重病情同死亡 好少見,但關節痛可以令人幾個星期甚至幾個月都行動困難。

