Appendiks (xalq arasında çox vaxt «kor bağırsaq» deyilir) qarnın sağ aşağı hissəsində bağırsağa birləşən kiçik, barmaq formalı çıxıntıdır. Appendisit (kor bağırsaq iltihabı) onun şişməsi və infeksiyalaşmasıdır; bu, çox vaxt onun girəcəyini nəyinsə, məsələn, kiçik bərk nəcis parçasının tıxaması nəticəsində baş verir.
Bu, əməliyyat tələb edən qəfil qarın ağrısının ən çox rast gəlinən səbəbidir. İstənilən yaşda ola bilər, amma 10 yaşdan yuxarı uşaqlarda və gənclərdə daha çox rast gəlinir, 12 aylıqdan kiçik körpələrdə isə nadirdir.
Appendisit təcili tibbi haldır: müalicə olunmasa, appendiks partlaya bilər və bu, qarının içində ciddi infeksiyaya gətirib çıxara bilər. Tez müalicə olunanda insanların çoxu tam sağalır, appendiks olmadan da sağlam yaşamaq olar.

