મોટા ભાગના માથાના દુખાવા જાતે જ મટી જાય છે અને કોઈ ગંભીર બાબતનો સંકેત હોતા નથી. વારંવાર થતા માથાના દુખાવાના બે સૌથી સામાન્ય પ્રકાર છે:
- ટેન્શન હેડેક (તણાવથી થતો માથાનો દુખાવો): ખૂબ સામાન્ય, બંને બાજુ દબાણ જેવો દુખાવો, જેમાં સામાન્ય રીતે તમે કામ ચાલુ રાખી શકો છો.
- માઇગ્રેન: ધબકતા, ઘણી વાર એક બાજુના દુખાવાના હુમલા, સાથે ઉબકા કે ઊલટી અને પ્રકાશ તથા અવાજથી તકલીફ, જે ઘણી વાર તમને જે કરતા હો તે અટકાવી દે છે.
ઘણા લોકોને બંને થાય છે. માથાના દુખાવાનાં બીજાં કારણોમાં શરદી અને ફ્લૂ, પૂરતું પાણી ન પીવું, ભોજન છોડવું, આંખના નંબરની તકલીફ, દારૂ, હોર્મોનમાં ફેરફાર અને દુખાવાની દવાઓ વારંવાર લેવી શામેલ છે.
માઇગ્રેન ફક્ત સખત માથાનો દુખાવો નથી: તે મગજની નસો (ચેતાઓ) અને રક્તવાહિનીઓની એક સ્થિતિ છે, જે હુમલા રૂપે આવે છે. તે કુટુંબમાં વારસાગત ચાલે છે અને સ્ત્રીઓમાં વધુ જોવા મળે છે.
