ਅਪੈਂਡਿਕਸ ਇੱਕ ਛੋਟੀ, ਉਂਗਲ ਵਰਗੀ ਥੈਲੀ ਹੈ ਜੋ ਢਿੱਡ ਦੇ ਹੇਠਲੇ ਸੱਜੇ ਪਾਸੇ ਆਂਦਰ ਨਾਲ ਜੁੜੀ ਹੁੰਦੀ ਹੈ। ਅਪੈਂਡਿਸਾਈਟਿਸ (ਆਮ ਬੋਲੀ ਵਿੱਚ ਅਪੈਂਡਿਕਸ ਦੀ ਸੋਜ ਜਾਂ ਅਪੈਂਡਿਕਸ ਦਾ ਦਰਦ) ਉਦੋਂ ਹੁੰਦਾ ਹੈ ਜਦੋਂ ਇਹ ਸੁੱਜ ਜਾਂਦੀ ਹੈ ਅਤੇ ਇਸ ਵਿੱਚ ਇਨਫੈਕਸ਼ਨ ਹੋ ਜਾਂਦੀ ਹੈ, ਅਕਸਰ ਇਸ ਕਰਕੇ ਕਿ ਕੋਈ ਚੀਜ਼, ਜਿਵੇਂ ਸਖ਼ਤ ਟੱਟੀ ਦਾ ਛੋਟਾ ਜਿਹਾ ਟੁਕੜਾ, ਇਸ ਦਾ ਮੂੰਹ ਬੰਦ ਕਰ ਦਿੰਦੀ ਹੈ।
ਅਚਾਨਕ ਹੋਣ ਵਾਲੇ ਢਿੱਡ ਦੇ ਉਸ ਦਰਦ ਦਾ, ਜਿਸ ਲਈ ਅਪ੍ਰੇਸ਼ਨ ਦੀ ਲੋੜ ਪਵੇ, ਇਹ ਸਭ ਤੋਂ ਆਮ ਕਾਰਨ ਹੈ। ਇਹ ਕਿਸੇ ਵੀ ਉਮਰ ਵਿੱਚ ਹੋ ਸਕਦਾ ਹੈ, ਪਰ ਇਹ 10 ਸਾਲ ਤੋਂ ਵੱਡੇ ਬੱਚਿਆਂ ਅਤੇ ਨੌਜਵਾਨਾਂ ਵਿੱਚ ਸਭ ਤੋਂ ਆਮ ਹੈ, ਅਤੇ 12 ਮਹੀਨਿਆਂ ਤੋਂ ਛੋਟੇ ਬੱਚਿਆਂ ਵਿੱਚ ਬਹੁਤ ਘੱਟ ਹੁੰਦਾ ਹੈ।
ਅਪੈਂਡਿਸਾਈਟਿਸ ਇੱਕ ਮੈਡੀਕਲ ਐਮਰਜੈਂਸੀ ਹੈ: ਇਲਾਜ ਨਾ ਹੋਵੇ ਤਾਂ ਅਪੈਂਡਿਕਸ ਫਟ ਸਕਦਾ ਹੈ, ਜਿਸ ਨਾਲ ਢਿੱਡ ਦੇ ਅੰਦਰ ਗੰਭੀਰ ਇਨਫੈਕਸ਼ਨ ਹੋ ਸਕਦੀ ਹੈ। ਜਲਦੀ ਇਲਾਜ ਹੋਵੇ ਤਾਂ ਜ਼ਿਆਦਾਤਰ ਲੋਕ ਪੂਰੀ ਤਰ੍ਹਾਂ ਠੀਕ ਹੋ ਜਾਂਦੇ ਹਨ, ਅਤੇ ਤੰਦਰੁਸਤ ਰਹਿਣ ਲਈ ਤੁਹਾਨੂੰ ਅਪੈਂਡਿਕਸ ਦੀ ਲੋੜ ਨਹੀਂ ਹੁੰਦੀ।

