Manjano (jaundice) ni pale ngozi au weupe wa macho unapokuwa wa njano. Hutokea wakati dutu ya rangi ya njano iitwayo bilirubin inapojilimbikiza mwilini.
Bilirubin hutengenezwa mwili unapovunja chembe nyekundu za damu zilizozeeka. Kwa kawaida ini huiondoa kwa kuiweka kwenye nyongo, ambayo hupita kwenye mirija ya nyongo hadi kwenye utumbo. Manjano ina maana kuna kitu katika njia hiyo hakifanyi kazi vizuri:
- Chembe nyekundu za damu kuvunjika haraka kupita kiasi, kwa mfano katika upungufu wa damu unaotokana na kuvunjika kwa chembe nyekundu (haemolytic anaemia) au selimundu (sickle cell disease)
- Ini: homa ya ini (hepatitis; maambukizi ya virusi kama hepatitis A, B, C au E), ugonjwa wa ini unaosababishwa na pombe, na baadhi ya dawa
- Mirija ya nyongo iliyoziba: vijiwe vya nyongo (gallstones), na matatizo ya kongosho kama uvimbe wa kongosho (pancreatitis)
Manjano ni ishara, si ugonjwa peke yake, na kwa watu wazima inaweza kuwa ishara ya jambo kubwa, kwa hiyo daima inahitaji daktari. Kwa watoto wachanga ni ya kawaida na mara nyingi haina madhara (angalia hapa chini).

