Соқыр ішектің құрт тәрізді өсіндісі (көпшілік оны жай ғана соқыр ішек дейді, медициналық атауы — аппендикс) — іштің оң жақ төменгі бөлігінде ішекке жалғасқан саусақ тәрізді кішкене қалташа. Аппендицит (соқыр ішектің қабынуы) — оның ісініп, инфекция түсуі. Бұл көбіне оның саңылауын бірдеңе, мысалы қатайған нәжістің кішкене бөлігі бітеп тастағанда болады.
Бұл отаны қажет ететін кенеттен басталған іш ауыруының ең жиі себебі. Ол кез келген жаста болуы мүмкін, бірақ 10 жастан асқан балалар мен жастарда жиі кездеседі, ал 12 айға толмаған нәрестелерде сирек болады.
Аппендицит — шұғыл медициналық жағдай: емделмесе, соқыр ішек жарылып, іштің ішінде ауыр инфекцияға әкелуі мүмкін. Тез емделсе, адамдардың көбі толық сауығады, ал соқыр ішексіз де дені сау өмір сүруге болады.

