ମୂତ୍ରପଥ ସଂକ୍ରମଣ (urinary tract infection, UTI) ବା ପରିସ୍ରା ସଂକ୍ରମଣ ହେଉଛି ମୂତ୍ରପଥର ଯେକୌଣସି ସ୍ଥାନରେ ସଂକ୍ରମଣ: ବ୍ଲାଡର୍ (ମୂତ୍ରାଶୟ), ଶରୀରରୁ ପରିସ୍ରା ବାହାରକୁ ନେଉଥିବା ନଳୀ (urethra, ମୂତ୍ରନଳୀ), ବା କିଡନୀ। ସାଧାରଣତଃ ଝାଡ଼ାରୁ ଆସୁଥିବା ବ୍ୟାକ୍ଟେରିଆ ମୂତ୍ରପଥରେ ପଶିଗଲେ ଏହା ହୁଏ।
ଶରୀରରେ ହେଉଥିବା ସଂକ୍ରମଣ ମଧ୍ୟରେ UTI ହେଉଛି ଦ୍ୱିତୀୟ ସବୁଠାରୁ ସାଧାରଣ ସଂକ୍ରମଣ। ପୁରୁଷଙ୍କ ତୁଳନାରେ ପ୍ରାୟ ଚାରି ଗୁଣ ଅଧିକ ମହିଳା ଙ୍କୁ ଏହା ହୁଏ, କାରଣ ମହିଳାଙ୍କ ମୂତ୍ରନଳୀ ଛୋଟ ଏବଂ ମଳଦ୍ୱାର ପାଖରେ ଥାଏ।
- ବ୍ଲାଡର୍ ସଂକ୍ରମଣ (cystitis, ସିଷ୍ଟାଇଟିସ୍) ହେଉଛି ସବୁଠାରୁ ସାଧାରଣ ପ୍ରକାର।
- କିଡନୀ ସଂକ୍ରମଣ (pyelonephritis, ପାଇଲୋନେଫ୍ରାଇଟିସ୍) କମ୍ ସାଧାରଣ କିନ୍ତୁ ଅଧିକ ଗୁରୁତର, ଏବଂ ଏଥିପାଇଁ ଶୀଘ୍ର ଚିକିତ୍ସା ଦରକାର।
ଅଧିକାଂଶ UTI ର ଚିକିତ୍ସା ସହଜ, ଏବଂ ଅନେକ ଶୀଘ୍ର ଭଲ ହୋଇଯାଏ।


