Una infeccion urinària (UTI) es una infeccion en quin endreit que siá de las vias urinàrias: la vessiga, lo canal que mena l'urina defòra del còs (l'uretra), o los ronhons. Es generalament causada per de bacterias dels excrements que dintran dins las vias urinàrias.
Las infeccions urinàrias son lo segond tipe d'infeccion mai frequent del còs. Tocan environ quatre còps mai de femnas que d'òmes, perque las femnas an una uretra mai corta, plaçada prèp de l'anus.
- Una infeccion de la vessiga (cistita) es lo tipe mai frequent.
- Una infeccion dels ronhons (pielonefrita) es mens frequenta mas mai grèva, e demanda un tractament rapid.
La màger part de las infeccions urinàrias son aisidas de tractar, e fòrça garisson lèu.


